26 кастрычніка ў школе прайшоў літаратурны турнір “Сэрца пакідаю вам”, прысвечаны 140-годдзю з дня нараджэння Якуба Коласа. Спаборнічалі дзве каманды(“Зубры” і “Буслы”) у складзе вучняў 5 – 9 класаў.

         Вучні маглі не толькі праверыць, але і пашырыць свае веды пра жыццё і творчасць беларускага класіка, набытыя як на ўроках беларускай мовы і літаратуры, так і шляхам самаадукацыі.

Пасля двух тураў каманда “Зубры” лідзіравала, але трэці тур змяніў сітуацыю на “нічыю”. Каб высветліць пераможцу, было зададзена рашаючае пытанне. Не гледзячы на тое, што фартуна зноў усміхнулася “Зубрам”, усе удзельнікі атрымалі салодкія сувеніры.